Skynsemi??

Samkvæmt rökleysu Gylfa er ekki skynsamlegt að bjarga fólki úr sjávarháska, því slíkt myndi aðeins leiða til þess að einhverjum yrði bjargað sem gætu hugsanlega synt sjálfir til lands.

Það er kannski ljótt að segja það, en mér finnst bara ekkert skynsamlegt við þennan ráðherra, sem virðist vera fremstur meðal jafningja í skósveinagengi AGS hér á landi.

Það er spurning hvort ekki væri skynsamlegast að afskrifa hann og fella niður með öllu. Slíkt myndi leiða til þess að þjóðin losnaði við að þurfa að hlusta á ruglið í manninum. Og vonandi einnig til þess að lækka verulega tölu þeirra þúsunda fjölskyldna sem neyðast til að leita til hjálparstofnanna til að geta brauðfætt sig.

 

Almenn afskrift skulda ekki skynsamleg

Flokkseigendaklíka?

Ég var svo vitlaus að halda að Borgarahreyfingin hefði boðið sig fram í kosningunum vegna þess að hún ætlaði að vera framlengdur armur þjóðarinnar inn á þing.  Í kosningarbaráttunni var þessu allaveganna þráfaldlega haldið á lofti af frambjóðendum. Sem átti að skýra hvers vegna þeir vildu ekki taka persónulega afstöðu til ýmissa mála, þeir væru jú fulltrúar fólksins og ætluðu að taka púlsinn hverju sinni í þeim málum sem upp kæmu.  Þetta var nýr tónn, ólíkur þeirra flokka, sem gagnrýnislaust láta flokkseigendaklíkurnar ráða för.   Út á þennan nýja tón er ég viss um að Borgarahreyfingin hafi fengið stóran hluta þeirra atkvæða sem hann fékk.  Hafi ESB verið aðalmálið, þá fór það allaveganna fram hjá mér, enda höfðu þeir sem ekkert sjá nema ESB miklu vænlegri valkosti.

Nú kemur svo hinn blákaldi sannleikur í ljós. Á bakvið tjöldin virðist leynast flokkseigendaklíka, sem vill stjórna þingmönnum eins og strengjabrúðum.  Ekkert skárra en hjá hinum flokkunum. 

Þetta er að breytast í lélegan farsa, þar sem handritasmiður hefur farið langt framúr sér og misskilið hlutverk sitt hrapalega.

Megi Borgarahreyfingunni takast að starfa áfram, án yfirgangs fámennrar flokkseigendaklíku. Vonandi er byltingin ekki þegar farin að éta börn sín.

"Meet the new Boss, the same as the old Boss!"

Við látum ekki plata okkur aftur!

Stjórn vill varamenn á þing

Hver stjórnar??????

Það verður ljósara með hverjum degi að það er AGS sem stjórnar landinu, eða hvað finnst ykkur?

Það er hvorki vilji stjórnvalda né Alþjóðagjaldeyrissjóðsins að fara í almennar afskriftir, þar af leiðandi er bankanum það ekki heimilt.

Það er ómögulegt að segja til um það hvort eða hverju það breytir um endurskoðun biðlánanna ef erlendir kröfuhafar eignast bankann. Það getur margt gerst á þremur árum, ekki síst á þeim óvissutímum, sem við lifum nú. En það er engin ástæða til að ætla að gengið verði harðar að skuldurum með innheimtu biðlánanna ef erlendir kröfuhafar eignast bankann en þótt hann verði í innlendri eigu. Það er meginregla að nýir eigendur undirgangist þær skuldbindingar, sem fyrri eigandi hefur gert. Skilanefnd gamla bankans er auk þess fulltrúi kröfuhafa, jafnt erlendra sem innlendra, og skuldaaðlögunin var unnin í fullu samráði við skilanefndina og með samþykki hennar.

Viðskiptavinir stofnuðu sannanlega til þeirra lána, sem þeir eru greiðendur að í dag. Mönnum átti að vera ljós gengisáhættan, þótt auðvitað hafi enginn séð fyrir þær gríðarlegu kollsteypur sem gengi íslensku krónunnar hefur tekið síðasta árið. Það er því undir engum kringumstæðum hægt að halda því fram að menn séu að viðurkenna skuldir, sem menn stofnuðu ekki til með því að fara í skuldaaðlögun.

Þessar klausur eru teknar af heimasíðu Kaupþings í dag.  Það er gaman að sjá hversu mjög stjórnvöld, AGS og Kaupþing bera hag almennings fyrir brjósti. Ég skil vel fyrstu sneiðina, en verð að játa að hinar tvær standa ennþá í mér. Getur einhver hjápað mér og útskýrt hvað átt er við?

Þetta hlýtur samt að vera eitthvað gífurlega gott og hagstætt fyrir almenning, ég trúi ekki öðru. Svo er það bara að samþykkja inngöngu í ESB með bros á vör og borga nokkrar millur á mann í Icesave. Framtiðin er björt og lífið leikur við okkur!

Þúsundir vilja greiðsluaðlögun

Eitthvað...

....... verður landinn að dunda sér við.   Ekki hefur hann lengur efni á að sötra bjór á sólarströnd.

Allir saman nú! Höldum til fjalla! 

Nóg að gera hjá björgunarsveitum

Æfing???

Vonandi er löggan að æfa sig fyrir aðgerðir í sambandi við aðeins stærra fjársvikamál, en þar voru á ferðinni óknyttastrákar sem stálu þúsundum milljarða króna.  Nema það mál verði látið niður falla vegna manneklu hjá löggunni.  Það eru takmörk fyrir því hvað hægt er að eltast við mikinn tittlingaskít.

Tveir handteknir vegna fjársvika

Snilldarplott!

Lá þetta ekki í augum uppi?  Leikjaröðin skiptir öllu, annars gengur fléttan ekki upp.   Úr því að búið er að selja bankana úr landi með manni, mús og skuldum heimila og fyrirtækja, er í lagi að leika næsta leik, "aðstoð" við skuldsetta. En það er ekki lengur á valdi stjórnvalda að skipta sér af skuldum sem eru þeim óviðkomandi.  

En þessar elskur eru aldeilis ekki af baki dottnar, því það er búið að setja reglugerð sem heimilar lánastofnunum að fella niður skuldir.  Er líklegt að erlendir samþykki slíkt?  Það væri ekki mikill bissness í því að kaupa vöru á fullu verði og afskrifa síðan hluta verðmætis hennar. Nei, fléttan er gengin upp. Ríkisstjórnin getur þvegið hendur sínar og vísað málinu til Pílatusar.

Nú berast þær fréttir að búið sé að setja á laggirnar nefnd sem á að starfa að úttekt á engu og endurmati á því sem aldrei var til.  Væri nú ekki gáfulegra að gera úttekt á nýju fötum keisarahjónanna?  Ég bara spyr.

Endurmeta úrræði fyrir skuldsett heimili

Ekkert mál.

Æ, þessi grey þurfa að hafa í sig og á. Það hlýtur að mega klípa eitthvað af örorku- og ellilífeyrinum.

Þar er af nógu að taka.

Laun forstjóra ríkisbanka ekki samkeppnishæf

Hugmynd.

Bjóðum bara ESB Össur.  Allra hagur og málið er dautt!  

Össur: Ísland hefur margt að bjóða ESB

Aumingjaskapur.

Hver tekur eiginlega svona ákvarðanir? Við þekkjum nöfnin á útrásarvíkingunum, en það eru greinilega fleiri aumingjar í umferð sem sennilega skýla sér á bak við skriffinnskufárið.  Það væri fróðlegt að vita hverjir taka svona ákvarðanir.

Ef landslög banna að hjónakornin komi til landsins og sameinist fjölskyldu sinni, þá eru það vond lög, sem þarf að breyta hið snarasta.  Lögin eiga að þjóna fólkinu á réttlátan hátt, en því miður er það oft þannig að vond lög koma í veg fyrir að réttlæti nái fram að ganga.

Ég skora á ríkisstjórnina að grípa inní. Það getur varla skaðað ESB-umsóknina og myndi jafnframt bæta ímynd okkar út á við.  Upplagt fyrir Össur að skora eina þriggja stiga körfu.  Ekki veitir af!

Móðirin á Skaga, dóttirin í Írak

Einfalt mál.

Það verður nú lítið mál fyrir Steingrím og co. að kippa þessu smáræði í liðinn, enda komin með reynslu.  Úr því að norræna velferðarbrúin hélt þegar heimilunum og fyrirtækjunum var smalað yfir hana í faðm erlendra banka, hlýtur hún að þola þungann af nokkrum sveitarfélögum.  Hrægammarnir hljóta að taka við þeim fegins hendi.  Frábært væri að fá einhvern flottan sendiherra til að trítla með handsala málið.  Það er að segja ef einhver nennir.

Sveitarfélög á leið í gjörgæslu